ᐱᓇᓱᐊᕐᑕᐅᔪᒧᑦ ᑐᑭᒧᐊᑦᑎᓯᔨ (ᓯᕗᓕᕐᑐᖅ ᖃᐅᔨᓴᕐᑎᖓ)
ᓘᓯ ᓇᑑ ᑖᓐᓇ ᐱᓇᓱᐊᕐᑕᐅᔪᒥᒃ ᑐᑭᒧᐊᑦᑎᓯᔨᐅᕗᖅ ᐊᒻᒪᓗ ᑎᒃᑯᐊᑕᐅᓯᒪᔪᖅ ᖃᐅᔨᓴᕐᑎᒋᔭᐅᓂᕐᒧᑦ ᑲᒪᔨᐅᑎᑕᐅᓂᕐᒥᒃ ᑕᒪᑐᒧᖓ ᐊᑕᐅᑦᓯᑰᒧᑦ ᐱᓇᓱᐊᕐᓂᓂ. ᑖᓐᓇ ᐃᑲᔪᕐᑎᐅᓚᒥ ᐃᓕᓭᔨᒧᑦ ᑕᒪᑐᒪᓂ ᐱᓇᓱᐊᕐᕕᐅᔪᒧᑦ ᐃᓱᒪᓕᕆᓂᕐᒥ ᒪᒡᒋᓪ ᐃᓕᓴᕐᕕᔪᐊᖓᓂ, ᐱᓕᕆᕕᐅᔪᒧᑦ ᐃᓄᓕᕆᓂᕐᒥ ᐊᒻᒪᓗ ᐃᓕᒃᑰᑐᓂ ᐱᐅᓯᐅᔪᓄᑦ ᐃᓱᒪᓕᕆᓂᕐᒥ ᐊᒻᒪᓗ ᑲᒃᑲᓛᓂᒃ ᐃᓱᒪᓕᕆᓂᕐᒥ, ᐱᓇᓱᐊᓲᖅ ᒪᓐᑐᔨᐊᓚᒥ ᑲᒃᑲᓛᓄᑦ ᐃᓱᒪᓐᓂᐊᓂᕐᒥᒃ. ᑌᒪ ᑲᒃᑲᓛᓄᑦ ᐃᓱᒪᓐᓂᐊᑎᐅᓂᕐᒥᓄᑦ, ᐱᓇᓱᐊᓲᒍᕗᖅ ᒪᓐᑐᔨᐊᓚᒥ ᑲᒃᑲᓛᑦ ᐋᓐᓂᐊᕕᐊᓗᐊᓂ (ᒪᒡᒋᓪ ᐃᓕᓴᕐᕕᔪᐊᖓᑕ ᐋᓐᓂᐊᓯᐅᕐᓂᓕᕆᕕᐊᓂ) ᐊᒻᒪᓗ ᑲᒃᑲᓛᓄᑦ ᐃᓱᒪᓕᕆᓂᕐᒥ ᖃᐅᔨᓂᐊᒐᐅᑦᓱᓂ ᑐᕌᕐᑐᒥᒃ ᓄᓇᕕᒻᒧᑦ 2008 ᒥᓂᑦ. ᑕᒪᒃᑯᑎᒍᑦ ᑌᒪ ᐱᓇᓱᐊᓕᓂᐅᓂᕐᒧᑦ ᐊᕐᕕᑕᓕᐅᒥᔮᖃᑦᑕᓂᒃᑯᑦ ᓄᓇᓕᓐᓄᑦ ᓄᓇᕕᒻᒥ ᐊᒻᒪᓗ ᐱᓇᓱᐊᖃᑎᖃᕐᐸᓱᓂ ᖃᐅᔨᒻᒫᕆᓕᕐᓱᒋᑦ ᑖᕙᓂ ᑖᒃᑯᓂᖓ ᑲᒪᒋᐊᓐᖓᓲᓂᒃ ᑲᒪᒋᔭᑦᓴᖑᕐᑐᓄᑦ ᑌᒪ ᑌᑰᓇ ᐃᓱᒪᑖᕐᓱᓂ ᐃᓅᖃᑎᒌᒃᕕᓴᒥᒃ ᐱᓇᓱᐊᖃᑎᒌᓄᑦ ᐅᕕᒐᕐᑐᓂᒃ ᐃᓱᒪᓕᕆᓂᕐᒥ ᐊᒻᒪᓗ ᖃᓄᐃᓐᖏᓯᐊᕐᓂᓕᕆᓂᕐᒥᒃ ᑕᒪᒃᑯᓄᖓ ᐱᓇᓱᐊᕐᑎᓄᑦ. ᑕᒐᑕᒐᐅᑎᓪᓗᒍ ᖃᐅᔨᓴᕐᓂᒥ ᐱᓇᓱᐊᓗᐊᕐᑕᖓ ᐅᕕᒐᕐᑐᓄᑦ ᐃᓱᒪᓕᕆᓂᖅ ᑲᑐᑦᔮᕆᓗᒍ ᑲᒪᒋᐊᒥᒃ ᐅᖓᓯᒃᑐᒥᐅᓂᒃ ᓄᓇᑐᕐᓕᓕᓐᓂᒃ ᑕᒪᓂ ᓄᓇᓕᖏᓐᓂ ᐊᒻᒪᓗ ᐃᓪᓗᒐᓴᕐᔪᐊᓂ ᐃᒻᒥᑯᑦ ᐱᐅᓯᓕᓐᓂᒃ ᐊᒻᒪᓗ ᐃᓅᖃᑎᒌᓂ ᐃᓄᒡᒍᑎᒃᓴᓕᕆᐅᓯᕐᓂᒃ ᐊᑦᔨᒌᑦᔭᖏᑦᑐᑦ ᐃᒻᒧᐊᓂ, ᐊᒻᒪᓗ ᐃᓚᐅᕕᖃᕐᒥᓱᓂ ᐊᒥᓱᐃᓂ ᓄᓇᓕᑎᒍᑦ ᑐᓐᖓᕕᓕᓐᓂ ᖃᐅᔨᓴᕐᓂᒧᑦ ᐱᓇᓱᐊᕐᓂᓂ. ᐱᓯᒪᕗᕐᓗ ᓇᓗᓀᕐᑕᐅᒍᑎᒥᒃ ᐃᓄᒃᑎᑐᑦ ᐅᖃᐅᓯᕐᒥᒃ ᐊᒻᒪᓗ ᐱᐅᓯᖓᓂᒃ ᐊᒻᒪᓗ ᓱᓕᐅᑦᓱᓂ ᐊᓕᐊᒋᑦᓱᒍ ᐃᓕᑉᐸᓕᐊᒋᐊᒥᒃ ᐃᓄᒃᑎᑐᑦ ᐅᖃᐅᓯᕐᒥᒃ, ᑕᒪᓐᓇᓗ ᐊᖅᖁᓯᕈᑎᐅᑦᓱᓂ ᐱᒋᐊᓪᓚᐅᑎᑦᓴᕆᓗᒍ ᐱᐅᓯᖓᓂᒃ ᖃᐅᔨᒋᐊᓪᓛᓂᕐᒥᒃ, ᑎᕐᓕᓇᕐᑑᓗᓂ ᐊᒻᒪᓗ ᑐᓐᖓᓇᕐᑑᓗᓂ ᑲᒪᒋᔭᐅᒋᐊᒥᒃ.