ᒥᐊᔨ ᐸᓂᖓᔭᒃ ᐊᓚᑯ
Oct 12
Mary Paningajak Alaku

ᐃᕗᔨᕕᒃ

ᒥᐊᔨ ᐸᓂᖓᔭᒃ ᐊᓚᑯ ᓴᓇᓐᖑᐊᓲᖅ ᑕᑯᔭᑦᓴᓂᒃ ᑖᓐᓇ ᐃᕗᔨᕕᒻᒥᐅᖅ, ᓄᓇᕕᒻᒥ.  ᑖᓐᓇ ᐱᓇᓱᐊᓲᖅ ᐊᓪᓚᖑᐊᕐᓂᒥᒃ, ᒥᖑᐊᓐᖑᐊᓂᕐᒥᒃ ᐊᒻᒪᓗ ᐊᑦᔨᖑᐊᓕᐅᕐᓂᒥᒃ ᐊᒻᒪᓗᓗ ᓴᓇᐅᒐᓲᒍᒻᒥᓱᓂ.  ᒥᐊᔨ ᐊᒥᓱᐃᓂᒃ-ᐱᓇᓱᐊᕈᓐᓇᑐᖅ ᓴᓇᓐᖑᐊᓲᖅ ᐱᔪᑦᓴᐅᔮᓚᕿᔭᐅᑦᓱᓂ ᐊᕙᑎᒥᓂᑦ ᐱᔪᓂᒃ, ᐃᓄᓐᓂᑦ ᐱᔪᓄᑦ ᐱᐅᓯᖓᒍᑦ ᐊᒻᒪᓗ ᓴᓇᑦᔪᐊᓘᓂᖏᓐᓂᑦ ᐃᓅᖃᑎᒥᑕ ᐃᓄᐃᑦ ᓴᓇᓐᖑᐊᓂᖓ ᐱᔪᖅ.

ᒥᐊᔨᓗ ᐃᓚᐅᕕᖃᕐᒥᓱᓂ ᑲᑎᓐᖓᔪᓄᑦ ᓴᓇᓐᖑᐊᑎᓄᑦ ᑖᒃᑯᐊᓗ ᐱᕙᓪᓕᐊᓯᒪᓕᕐᑐᑦ ᐊᑦᔨᖑᐊᓕᐅᕐᓂᒥᒃ ᐱᓇᓱᐊᕐᑐᑦ ᐃᕗᔨᕕᒻᒥ, ᐱᓇᓱᐊᖃᑎᖃᕐᓱᓂ ᑖᒃᑯᓂᖓ ᖁᒪᖅ ᒪᖏᐅᖅ ᐃᔦᑦᑐᒥᒃ, ᐹᓴ ᒪᖏᐅᕐᒥᒃ ᐊᒻᒪᓗ ᓕᓐ ᐹᔅᑎᐊ-ᒥᒃ.  ᐱᓇᓱᐊᕐᑕᖏᑦ ᐃᓕᑕᕆᔭᐅᔪᑦ ᐊᒻᒪᓗ ᓇᓂᔭᐅᔪᓐᓇᓗᑎᒃ ᑲᑎᕐᓱᐊᖏᓐᓂ ᐊᕙᑕᖅ ᐱᐅᓯᑐᖃᓕᕆᕕᐊᑕ ᐱᓕᕆᕕᐊᓐᓂ, ᐃᓚᒌᓴᒃᑯᓂ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᔨᒃᑯᓂ.  ᓄᐃᑕᑎᑕᐅᖃᑦᑕᓯᒪᑦᓱᑎᓪᓗ ᓱᔪᖃᓕᕐᒪᑦ ᑕᒐ ᐃᑲᓂ Beinnale de Saint-Jean Port-Joli ᐊᒻᒪᓗ ᐃᑲᓂ Montreal Paper Fair.

ᐃᓚᐅᕕᖃᕋᒥ ᑖᒃᑯᓄᖓ ᓇᖏᖃᑎᒌᓐᓂᖅ ᐊᑕᐅᑦᓯᑯᑦ ᐅᑯᑎᒎᓇ ᓴᓇᓐᖑᐊᓂᑎᒍᑦ ᐱᓇᓱᐊᕐᑕᐅᔪᒥ, ᒥᐊᔨ ᐊᑐᕐᐳᖅ ᓴᓇᓐᖑᐊᒍᓐᓇᓂᕐᒥᓂᒃ ᓴᓇᑦᔫᒍᑎᓂᒃ ᐊᓪᓚᖑᐊᕐᓱᓂ ᐱᔪᖃᕐᑐᓂ ᐊᒻᒪᓗ ᐃᒃᐱᓂᐊᕐᓂᓂᒃ ᐊᒃᑐᐊᔪᓄᑦ ᖃᓂᒻᒪᓯᕐᒧᑦ ᓯᓚᕐᔪᐊᓕᒫᒥ ᐊᑑᑎᔪᒥᒃ ᓄᓇᕕᒻᒥ.  ᐱᓇᓱᐊᕐᓂᖃᐅᒃ ᓴᓇᓐᖑᐊᑎᐅᒐᒥ ᐊᓪᓚᖑᐊᕐᓱᓂ ᓱᖃᑦᓯᓂᕐᓂᒃ ᐊᓯᐊᒍᑦ ᐊᐅᓚᑦᔭᕆᐊᕐᓱᓂ – ᐅᓇ ᐊᑕᐅᑦᓯᑯᑦ ᐃᓅᖃᑎᒌᓐᓂᖓ ᐱᓇᓱᐊᖃᑎᒌᑎᒍᑦ (CoP) ᑖᒃᑯᓇᓂ ᐅᕕᒐᕐᑐᓂ ᐃᓱᒪᓕᕆᓂᕐᒥ ᖃᓄᐃᓐᖏᓯᐊᕐᓂᒧᑦ ᐊᒻᒪᓗ ᖃᓄᐃᓐᖏᓯᐊᕈᑎᑦᓴᓂᒃ ᐱᓇᓱᐊᕐᓂᖅ – ᑕᒪᓐᓇ ᐃᓱᒪᑖᕕᓂᖅ ᑕᒪᑐᒧᖓ ᓇᖏᖃᑎᒌᓐᓂᖅ ᐊᑕᐅᑦᓯᑯᑦ ᐊᖅᖁᓯᕐᓱᓂ ᓴᓇᓐᖑᐊᓂᕐᒥᒃ ᐱᓇᓱᐊᕐᓂᒥᒃ ᐆᒻᒪᑎᓪᓗᒍ.  ᑌᒪᓐᖓᓂᑦ ᐅᐱᕐᖔᒍᓐᓂᒪᑦ 2020ᒥ, ᑮᓇᕐᒥᑦ ᑕᒃᑯᒧᑦ ᑲᑎᒪᓂᖏᑦ ᑖᑦᓱᒪ ᐊᑕᐅᑦᓯᑰᑉ CoPᑉ ᓄᖅᖃᑎᒋᐊᖃᓚᐅᕐᒪᑦ ᐱᑦᔪᑕᐅᑎᓪᓗᒍ ᖃᓂᒻᒪᓯᖅ ᓯᓚᕐᔪᐊᓕᒫᒨᕐᑐᖅ, ᐅᓇ ᑕᐅᑐᓗᐊᓐᖑᐊᑕᖓ ᒥᐊᔨᐅᑉ ᐊᓪᓚᖑᐊᕐᑕᖏᑦᑕ ᐊᓯᑦᔨᒪᑦ, ᑭᓯᐊᓂ ᐊᑦᓱᐃᓂᖓ ᓱᕐᕋᖏᑦᑐᖅ ᐃᑲᔪᕐᓂᖓᑕ ᐊᓪᓚᓯᒪᔪᒨᕆᑦᓱᓂ ᖃᐅᔨᔭᒥᓂᒃ ᐊᑑᑎᑦᓱᒋᑦ.  ᒥᐊᔨᒧᓪᓕ, ᓴᓇᓐᖑᐊᓂᖅ ᐱᑦᓴᓯᕕᖃᑦᑕᖃᐅᓪᓕ ᖃᓄᐃᓐᖏᓯᐊᕐᓂᒥᒃ

Get Back to the Project: ᓴᓇᓐᖑᐊᓂᑎᒍᑦ ᒪᑭᑕᖃᑎᒌᓐᓂᖅ