ᒥᐊᔨ ᐸᓂᖓᔭᒃ

 

ᒥᐊᔨ ᐸᓂᖓᔭᒃ ᓴᓇᓐᖑᐊᓲᖅ ᑕᑯᒥᓇᕐᑐᓂᒃ ᓄᓇᓕᒃ ᐃᕗᔨᕕᒻᒥᒃ, ᓄᓇᕕᒻᒥ.  ᑖᓐᓇ ᐱᓇᓱᐊᓲᖅ ᐊᓪᓚᖑᐊᕐᓂᒥᒃ, ᒥᖑᐊᓐᖑᐊᓂᕐᒥᒃ, ᐊᑦᔨᖑᐊᓕᐅᕐᓂᒥᒃ, ᐊᒻᒪᓗ ᓴᓇᐅᒐᓲᖅ.  ᒥᐊᔨ ᐊᒥᓱᐃᓂᒃ ᐱᒍᓐᓇᑕᓕᒃ ᓴᓇᓐᖑᐊᑎᐅᑦᓱᓂ ᑫᒥᑕᐅᑦᓱᓂ ᑖᓐᓇ ᐊᕙᑎᒥᓂᑦ, ᑖᑦᓱᒧᖓ ᐃᓄᐃᑦ ᐱᐅᓯᖓᓄᑦ ᐊᒻᒪᓗ ᓴᓇᑦᔫᓂᖏᓐᓄᑦ ᐃᓅᖃᑎᒥᑕ.  ᑖᑦᓱᒪ ᓴᓇᓲᖏᑦ ᐃᓕᑕᕆᔭᐅᔪᑦ ᐊᒻᒪᓗ ᓇᓂᔭᐅᔪᓐᓇᐳᑦ ᑲᑎᕐᓱᐊᖏᓐᓂ ᑌᑲᓂ ᐊᕙᑕᖅ ᐱᐅᓯᑐᖃᓕᕆᕕᐅᑉ, ᐃᓚᒌᓴᒥ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᔨᒃᑯᓂ.  ᓄᐃᑕᑎᑕᐅᖃᑦᑕᓯᒪᒻᒥᔪᑦ ᑲᑎᓐᓂᓂ ᒪᑯᓇᓂ ᑕᒐ Biennale de Saint-Jean Port-Joli ᐊᒻᒪᓗ ᐅᕙᓂ Montreal Papert Fairᒥ.

ᐃᓚᒋᑕᖓᓂᐅᒃ ᑕᒪᑐᒪᐅᑉ ᓴᓇᓐᖑᐊᓂᑎᒍᑦ ᒪᑭᑕᖃᑎᒌᓐᓂᖅ ᐱᓇᓱᐊᕐᑕᐅᓂᖓᑕ, ᒥᐊᔨ ᐊᑐᕐᓱᓂ ᐱᒍᓐᓇᑕᕐᒥᓂᒃ ᓴᓇᑦᔫᒍᑎᒋᑦᓱᒍ ᐊᓪᓚᖑᐊᕐᓱᓂ ᖃᓂᒻᒪᓯᐅᑉ ᐱᔮᓄᑦ ᐊᑑᑎᔭᐅᔪᒥᒃ ᑖᕙᓂ ᓄᓇᕕᒻᒥ.  ᑖᑦᓱᒪ ᓴᓇᔭᕕᓂᖓ ᓴᓇᓐᖑᐊᑎᐅᒐᒥ ᐊᓪᓚᖑᐊᕐᓱᓂ ᐱᓇᓱᐊᕐᑕᖏᓐᓂᒃ ᑖᑦᓱᒪ ᐊᑕᐅᑦᓯᑰᒥ ᐃᓅᖃᑎᒌᑦ ᐱᓇᓱᐊᖃᑎᒌᑦᑐᑦ (CoP) ᑕᒪᑐᒪᓂ ᐅᕕᒐᕐᑐᐃᑦ ᐃᓱᒪᓕᕆᔭᐅᓂᖓᓂ ᐋᓐᓂᐊᓯᐅᕐᓂᓂ ᐊᒻᒪᓗ ᖃᓄᐃᓐᖏᓯᐊᕐᓂᓕᕆᓂᕐᒥ ᐱᓇᓱᐊᕐᓂᒥᒃ ᑕᒪᑐᒥᖓᓗ ᐃᓱᒪᑖᓚᐅᕐᓱᑎᒃ ᓄᐃᑦᓱᒍ ᐃᓕᖓᔪᖅ ᓴᓇᓐᖑᐊᓂᑎᒍᑦ ᒪᑭᑕᖃᑎᒌᓐᓂᖅ ᐱᓇᓱᐊᕐᓂᖓ ᐆᒻᒪᑎᑦᓱᒍ.  ᑌᑦᓱᒪᓐᖓᓂᑦ ᐅᐱᕐᖔᖓᓂ 2020ᑉ, ᑌᒪ ᑕᒃᑯᒧᑦ ᑲᑎᒪᓗᑎᒃ ᑲᑎᖃᕐᑕᓂᖏᑦ ᑖᑦᓱᒪ ᐊᑕᐅᑦᓯᑰᑉ CoPᑉ ᓄᒃᖃᕆᐊᖃᓚᐅᕐᒪᑦ ᖃᓂᒻᒪᓯᐅᑉ ᐱᔮᓄᑦ, ᑕᐅᑐᒍᓯᖓ ᑖᑦᓱᒪ ᒥᐊᔨᐅᑉ ᐊᓪᓚᖑᐊᕐᑕᒥᒍᑦ ᐊᓯᑦᔨᓯᒪᓕᕐᑐᑦ, ᑭᓯᐊᓂ ᐊᓯᑦᔨᔭᑎᓐᓇᒍ ᐊᑦᓱᐃᓂᖓ ᐃᓚᐅᕕᖃᕐᓂᖓᑕ ᐊᓪᓚᖑᕐᑎᑕᐅᓂᖏᓐᓄᑦ ᐊᑑᑎᔭᐅᔪᑦ.  ᒥᐊᔨᒧᓪᓕ ᑕᒐ, ᓴᓇᓐᖑᐊᓂᖅ ᑕᒪᓐᓇᐅᕗᖅ ᑐᑭᖓ ᖃᓄᐃᓐᖏᓯᐊᕈᑎᑦᓴᐅᒪᑦ.  

ᒥᐊᔨ ᐸᓂᖓᔭᒃ
ᓯᓚᕐᔪᐊᒥᐅᑦ ᑎᑭᑕᐅᒪᔪᑦ ᖃᓂᒪᓐᓇᔪᐊᕐᒧᑦ ᒪᑐᒪᒋᐊᓖᑦ ᐊᓂᕐᑎᕆᕕᖏᑦ COVID-19 ᓂᐅᖃᑌᓕᓪᓗᒍ!, 2021
ᐊᓪᓚᐅᑎᒃ ᐃᒪᓕᒃ ᓯᑯᑦᓴᔭᒥ
20 x 26 cm
ᐊᑦᔨᓕᐊᖓ: ᕕᕃᑐᕆᒃ ᓚᐳᐊᑦ

ᒥᐊᔨ ᐸᓂᖓᔭᒃ
ᑯᐊᐸᒃᑯᑦ, 2021
ᐊᓪᓚᐅᑎᒃ ᐃᒪᓕᒃ ᓯᑯᑦᓴᔭᒥ
20 x 26 cm
ᐊᑦᔨᓕᐊᖓ: ᕕᕃᑐᕆᒃ ᓚᐳᐊᑦ

ᒥᐊᔨ ᐸᓂᖓᔭᒃ
[Covid Funerals], 2022
ᐊᓪᓚᐅᑎᒃ ᐃᒪᓕᒃ ᓯᑯᑦᓴᔭᒥ
20 x 26 cm
ᐊᑦᔨᓕᐊᖓ: ᕕᕃᑐᕆᒃ ᓚᐳᐊᑦ