ᓴᓇᓐᖑᐊᑎ
ᒥᐊᔨ ᐸᓂᖓᔭᒃ ᐊᓚᑯ ᐊᒥᓱᐃᓂᒃ ᐱᒐᓱᐊᕈᓐᓇᑐᖅ ᑕᑯᔭᑦᓴᓂᒃ ᐱᑦᓴᖑᐃᓲᖅ ᐃᕗᔨᕕᒻᒥᐅᖅ. ᐱᓇᓱᐊᓲᖅ ᐊᓪᓚᖑᐊᕐᓯᒪᔪᓂᒃ, ᒥᖑᐊᕐᓯᒪᔪᓂᒃ, ᐊᑦᔨᖑᐊᓕᐅᕐᓂᒥᒃ, ᑕᑯᒥᓇᕐᓴᐅᑎᓂᒃ ᐊᑐᕐᑕᐅᓲᓂᒃ, ᐊᓐᓄᕌᓕᐅᓲᖅ ᐊᒻᒪᓗ ᓴᓇᐅᒐᓲᖅ. ᒥᐊᔨ ᐊᒥᓱᐃᓂᒃ-ᐱᔪᓐᓇᑕᓕᒃ ᓴᓇᓐᖑᐊᕈᓯᕐᓂᒃ ᐱᓇᓱᐊᓲᖅ ᓴᓇᒍᓐᓇᑲᒥ ᐊᒻᒪᓗ ᐱᑦᓴᖑᐃᓂᕐᒧᑦ ᐱᒍᓐᓇᑕᒥᓂᒃ ᐋᖅᕿᓱᐃᑦᓱᓂ ᓱᖃᑦᓯᐅᑎᓂᒃ ᐊᑕᐅᑦᓯᑰᑉ ᐱᓇᓱᐊᕐᓂᖏᑦᑕ ᐃᒻᒧᐊᓂ ᐱᓇᓱᐊᖃᑎᒌᑦ. ᐊᑕᐅᑦᓯᑰᑉ ᑕᕐᓴᖓ ᓴᓇᓐᓂᒥᔭᖓ ᒥᐊᔨᐅᑉ ᐊᓪᓚᖑᐊᕐᓱᒍ ᓄᐃᑦᓱᒍ ᐃᓱᒪᒋᓗᓂᐅᒃ ᒪᓂᖅ, ᑕᕐᕋᒥ ᐱᔪᖅ ᑖᒃᑯᐊ ᐱᕈᓲᑦ ᐊᑕᐅᑦᓯᑯᑦ – ᐊᑕᐅᑦᓯᑯᑦ – ᐊᒻᒪᓗ ᑕᒪᓐᓇ, ᐃᓚᑦᓱᒍ ᐊᓯᒋᒻᒥᔭᖏᓐᓂᒃ ᐱᕈᕐᑑᒥᔪᓂᒃ, ᐱᑦᓴᖑᓲᖅ ᒪᓂᑦᓴᖑᕐᓱᓂ ᐃᑯᒪᓂᐊᕐᒪᑦ ᖁᓪᓕᖅ. ᒥᐊᔨ ᐱᔪᑦᓴᐅᔮᕐᕕᖃᕐᒥᓱᓂ ᓴᓇᒍᓐᓇᓂᖏᓐᓂᒃ ᐃᓅᖃᑎᒥᑕ ᓇᓪᓕᐊᒍᑐᐃᓐᓇᐅᒐᓗᐊᖅ ᓱᓇᑐᐃᓐᓇᓂᒃ. ᑖᓐᓇ ᑌᓯᓗᐊᕈᒪᒻᒥᓱᓂ ᐱᓪᓗᑐᖏᓐᓂᒃ ᐃᓄᐃᑦ ᑖᒃᑯᐊ ᓴᓇᓲᒍᒻᒪᑕᓗ ᓴᓇᕐᕈᑎᓂᒃ ᐊᒻᒪᓗ ᐊᓐᓄᕌᓕᐅᕐᓱᑎᒃ ᐱᑦᓴᖃᑦᓯᐊᑑᔮᓐᖏᑲᓗᐊᕐᒪᑦ ᐊᑐᐃᓐᓇᓂᒃ ᐊᕙᑎᒥᓐᓂ. ᑕᒪᓐᓇᑕᒐ ᓴᓇᒍᓐᓇᓂᖓᑦ ᐃᓅᖃᑎᒥᑕ, ᐃᓄᐃᑦ ᐱᒍᓐᓇᑑᓂᖏᑦ ᓴᓇᒋᐊᒥᒃ, ᐅᖃᕐᓱᓂ, ᐃᓅᕕᖃᕈᓐᓇᓱᑎᒃ ᐅᑭᐅᕐᑕᑐᐊᓗᒻᒦᓱᑎᒃ ᓄᓇᒥᓂ.