ᐊᑕᐅᑦᓯᑯᑦ, ᖃᓂᒌᑦ ᑐᑭᖓ ᐃᓄᒃᑎᑑᕐᑐᖅ, ᐊᑎᕆᕙᐅᒃ ᓄᓇᖅᖃᑎᒌᑦᑐᑎᑑᕐᕕᖓᑦ ᐱᓇᓱᐊᕐᑐᑦ (CoP) ᑕᒡᕙᓂ ᐅᕕᒐᕐᑐᓂᒃ ᐃᓱᒪᓕᕆᓂᕐᒥ ᐊᒻᒪᓗ ᖃᓄᐃᓐᖏᓯᐊᕐᓂᓕᕆᓂᕐᒥ ᑕᒪᓐᓇᓗ ᐱᕙᓪᓕᐊᕈᑕᐅᔪᖅ ᑖᒃᑯᓇᓂ ᑕᓪᓕᒪᐅᔪᕐᑐᓗ ᓯᑕᒪᓪᓗᓂ ᓄᓇᓂ ᓄᓇᕕᒻᒥ. ᑖᓐᓇ CoP ᑲᑎᒪᔪᑦ ᐃᓄᐃᑦ ᑲᑎᒪᓚᕿᔪᑦ ᐱᑦᔪᑎᖃᕐᓱᑎᒃ ᐱᓇᓱᒐᕐᒥᒎᕐᑐᒥᒃ ᐱᓇᓱᒃᕕᑰᕐᑐᒥᒃ ᐱᓕᐊᖃᕐᓂᒧᑦ ᐊᒻᒪᓘᓐᓃᑦ ᐱᔪᑦᓴᐅᔮᕈᑎᖃᕋᒥᒃ ᑲᑎᒍᑎᒋᓕᐅᒥᔮᕐᐸᓱᒍ, ᖃᓄᐃᓕᐅᖃᑎᒌᒍᑎᒋᑦᓱᒍ, ᓂᑦᔮᒍᑎᒋᑦᓱᒍ ᐊᒻᒪᓗ ᐃᓕᑦᓯᕕᖃᕈᑎᒋᒻᒥᓗᒍ ᐊᓯᒥᓂᑦ, ᐊᒻᒪᓗ ᐃᑲᔪᕐᑎᒌᒍᑎᒋᓗᒍ ᑌᒪᓗ ᑲᑦᓱᙰᑎᒌᒍᑎᒋᓗᒍ ᐊᓯᒥᓄᑦ.
ᐅᓇ ᐊᑕᐅᑦᓯᑯᑦ CoP ᐱᕕᑦᓴᖃᕐᑎᓯᓚᖓᔪᖅ ᑕᒃᑯᒧᑦ ᐅᐸᒍᑎᓗᓂ ᐊᒻᒪᓗ ᖃᕆᑕᐅᔭᕈᑎᑎᒍᑦ ᐱᓇᓱᐊᕐᓗᓂ ᐃᓄᓐᓄᑦ ᐊᒻᒪᓗ ᖃᓪᓗᓈᓄ ᐊᒃᑐᒋᐊᓐᖓᖃᑦᑕᑐᓄᑦ ᑲᒪᒋᔭᐅᒋᐊᓕᓐᓄᑦ ᐱᓇᓱᐊᕐᑎᓂᒃ ᐱᓇᓱᐊᖃᑕᐅᔪᓄᑦ ᐅᕕᒐᕐᑐᐃᑦ ᐃᓱᒪᓕᕆᔭᐅᓂᖓᓄᑦ ᐊᒻᒪᓗ ᖃᓄᐃᓐᖏᓯᐊᕐᓂᓕᕆᓂᒃᒥᒃ. ᑕᒪᓐᓇ ᐃᓗᓕᖃᕐᓂᐊᒥᔪᖅ ᐃᑲᐅᕐᓂᒥ ᓇᑉᐸᒥᓪᓗ ᑲᑎᒪᓂᖏᓐᓂᒃ ᑖᑦᓱᒪ CoP ᒧᑦ ᑲᑎᒍᑎᓕᓐᓄᑦ ᐱᓕᐅᒥᔮᕐᓱᑎᒃ ᐅᖄᒍᑎᖃᕐᓱᑎᒃ ᑖᒃᑯᐊ CoP ᒥᐅᑦ ᓂᕈᐊᕐᑕᖏᓐᓂᒃ ᐃᓚᐅᕕᓖᑦ, ᒪᓕᑦᓱᒋᑦ ᑭᓐᖒᒪᔭᒥᑕ ᑯᒻᒪᓇᕐᓂᖏᑦ ᐊᒻᒪᓗ ᐱᔪᑦᓴᐅᔮᕐᑕᖏᑦ. ᐱᓪᓚᐅᕗᖅ ᑕᒃᕙᓂ CoP ᒥ ᐃᒫᒃ ᐃᓚᐅᕕᓖᑦ ᒥᓇᐅᒥᑦᓯᐅᑎᖃᕈᓐᓀᓗᑎᒃ ᐱᓇᓱᐊᕐᑕᖏᓐᓂᒃ, ᐊᓯᑦᔨᐸᓪᓕᐊᕈᓐᓇᓱᓂᓗ ᑌᒫᒃ CoP ᐱᕙᓪᓕᐊᓂᖓ ᒪᓕᑦᓱᒍ. ᑌᒣᓕᕐᐸᓗ, ᐅᓇ ᐊᑕᐅᑦᓯᑯᑦ CoP ᐱᓂᐊᕐᑐᓴᐅᕗᖅ ᐱᓐᖑᖁᓪᓗᒍ ᑖᒃᑯᐊ ᐃᓚᐅᕕᓖᑦ ᖃᓄᐃᑦᑑᖁᔨᒍᑎᖓᓂᒃ ᑖᑦᓱᒥᖓ. ᐅᓇ ᐅᓂᒃᑳᓯᐅᒐᑦᓴᓂᒃ ᓄᐃᑕᑎᑦᓯᕕᖓ ᑐᕌᕐᓂᓕᒃ ᑐᓴᐅᒪᑎᑦᓯᕕᓐᖑᖁᓗᒍ, ᑐᓴᕐᑕᐅᒋᐊᓕᓐᓂᒃ ᐊᒻᒪᓗ ᐱᓇᓱᐊᖃᑎᒌᑦᑐᓄᑦ ᑐᑦᑕᕕᐅᓗᓂ ᑖᒃᑯᓄᖓ ᐊᑕᐅᑦᓯᑯᑦ CoP ᒧᑦ ᐃᓚᐅᔪᓄᑦ.
ᐅᓇ ᐃᓘᓐᓈᒍᑦ ᑐᕌᕈᒪᔭᖓ ᑖᑦᓱᒪ ᐊᑕᐅᑦᓯᑰᑉ CoP ᐱᓇᓱᐊᕐᑕᖓᑕ ᐱᕙᓪᓕᐊᓗᒍ ᐊᑕᐅᑦᓯᑯᑦ ᐃᓱᐊᕐᑑᓗᓂ, ᐱᕙᓪᓕᖁᑕᐅᓗᓂ ᐊᒻᒪᓗ ᐱᐅᓯᕐᒧᑦ ᑐᓐᖓᓇᕐᓗᓂ ᐃᓂᑦᓯᐊᖅ ᑕᒃᕙᓂᓗ ᐃᓕᑦᓯᔫᒥᕕᒋᓗᒍ ᐊᓯᑦᑎᓂᑦ ᓯᕗᒧᐊᖁᓗᒍ ᐊᒻᒪᓗ ᐃᓱᐊᕐᓯᐅᒥᖁᓗᒍ ᐅᕕᒐᕐᑐᐃᑦ ᐊᒻᒪᓗ ᐃᓚᒌᑦ ᖃᓄᐃᓐᖏᓯᐊᕐᓂᖓᑦ ᑖᒃᑯᓇᓂ ᑕᓪᓕᒪᐅᔪᕐᑐᓗ ᓯᑕᒪᓪᓗᑦ ᓄᓇᓕᓐᓂ ᓄᓇᕕᒻᒥ. ᓱᓕᒋᐊᓪᓚᓗ ᓱᒐᓗᑦᓱᒍ, ᐊᑕᐅᑦᓯᑰᑉ ᑐᕌᕐᑕᖓ ᐊᑐᐃᓐᓇᐅᑎᑦᓯᓂᕐᒥᒃ ᓱᖃᑦᓯᐅᑎᑦᓴᓂᒃ ᑖᒃᑯᐊᓗ ᐊᑐᕐᓇᑑᓗᑎᒃ ᑖᒃᑯᓄᖓ CoP ᒧᑦ ᐃᓚᐅᔪᓄᑦ, ᓱᒐᓗᑦᑐᒥᒃ ᑌᓗᒋᑦ ᒪᑯᐊ ᐱᓇᓱᑦᑎᐅᓂᕐᒧᑦ ᐃᓕᖓᔪᓂᒃ ᐱᕙᓪᓕᐊᓂᕐᓂᒃ, ᐃᓅᓯᕐᒧᑦ ᐃᑲᔪᕐᑕᐅᓂᕐᓂᒃ ᐊᒻᒪᓗ ᐱᓇᓱᑦᑏᑦ ᐃᒻᒧᐊᓂ ᐃᑲᔪᕐᑎᒌᓐᓂᓂᒃ.
ᐊᑕᐅᑦᓯᑯᑦ CoP ᒧᑦ ᐃᓚᐅᔪᑦ ᑖᒃᑯᐊᒍᕗᑦ ᑐᒃᕕᐅᒋᐊᓐᖓᓲᑦ ᑲᒪᒋᔭᐅᒋᐊᓕᓐᓄᑦ ᐱᓇᓱᐊᕐᑏᑦ ᐊᒃᑐᐊᔪᑦ ᓇᓪᓕᐊᒎᒐᓗᐊᖅ ᐊᒻᒪᓘᓐᓃᑦ ᓇᐅᒃᑰᒐᓗᐊᕐᓗ ᐱᓇᓱᐊᕐᓂᓂ ᐅᕕᒐᕐᑐᐃᑦ ᐃᓱᒪᓕᕆᔭᐅᓂᖓᓂᒃ ᐊᒻᒪᓗ ᖃᓄᐃᓐᖏᓯᐊᕐᓂᓕᕆᓂᕐᒥ ᓄᓇᕕᒻᒥ. ᑕᒪᓐᓇ ᐃᓚᖃᕐᒥᓱᓂ ᓄᓇᓕᒻᒥ ᖃᓄᐃᓐᖏᓯᐊᕐᓂᓕᕆᓂᕐᒥᒃ ᓄᓇᕕᒻᒥ. ᑕᒪᓐᓇ ᐃᓚᓕᒃ ᓄᓇᓕᑎᒍᑦ ᖃᓄᐃᓐᖏᓯᐊᕐᓂᓕᕆᓂᕐᒥ ᐱᓇᓱᐊᕐᑎᓂᒃ, ᐃᓄᓕᕆᕕᒻᒥ ᐱᒍᑦᔨᔪᑦ ᐱᓇᓱᐊᕐᑎᓂᒃ, ᐅᕕᒐᕐᑐᐃᑦ ᓴᐳᒻᒥᔭᐅᕕᖓᓐᓂ ᐱᓇᓱᐊᕐᑐᓂᒃ, ᐃᓚᒌᑦ ᐃᓪᓗᖁᑎᖓᓐᓂ ᐱᓇᓱᐊᕐᑎᓂᒃ, ᐊᓂᕐᕌᐱᓐᓂ ᐊᒻᒪᓗ ᐊᓂᕐᕌᓗᓐᓂ ᐱᓇᓱᐊᕐᑐᑦ, ᐋᓐᓂᐊᓯᐅᑏᑦ ᐊᒻᒪᓗ ᐋᓐᓂᐊᓯᐅᑎᒻᒪᕇᑦ, ᑐᓵᔩᑦ, ᐃᓕᓴᕐᕕᓂᓗ ᐃᓱᐊᕐᓭᔨᓂ, ᐊᓯᖏᓐᓂᓗ.
ᐃᓚᐅᖃᑕᐅᓂᖅ ᐊᑕᐅᑦᓯᑰᒧᑦ CoPᑉ ᐱᓇᓱᐊᕐᑕᖏᓐᓄᑦ ᑕᒐ ᐱᔪᑦᓴᐅᔮᕐᓂᒧᑦ ᐱᒍᒪᒐᒥ ᑐᓐᖓᕕᖃᕐᐳᖅ.
ᐅᖃᐅᓯᒃᓴᖃᕈᒪᔪᒧᑦ, ᖃᓪᓗᓈᕐᑎᑑᑐᖏᓐᓄᑦ ᑕᑯᒋᐊᕐᓗᑎᑦ.