ᐱᓪᓚᕆᑦᑕᖓ ᐱᓇᓱᐊᕐᑐᑦ ᑲᑐᑦᔨᓱᑎᒃ
ᑲᕈᓓᓐ ᐱᒋᐊᕐᓂᖁᖅ ᖃᐅᔨᒋᐅᕐᓇᑐᓂᒃ ᑕᒡᕙᓂ ᐊᑕᐅᑦᓯᑰᒃᑯᓄᑦ ᐱᓇᓱᐊᖃᑕᐅᑦᓱᓂ ᓯᑉᑎᒻᐸ 2019ᒥ. ᑖᓐᓇᓗ ᑌᒪ ᐃᓕᑦᓯᒪᐅᑎᓪᓚᕆᒻᒧᑦ ᐱᓇᓱᐊᕐᑕᖃᕐᓱᓂ ᐅᑯᓇᓂ ᐱᐅᓯᖃᖃᑎᒌᓐᖏᑐᑦ ᐃᓱᒪᓕᕆᔭᐅᓂᖓᓄᑦ ᐃᓕᓴᕐᕕᔪᐊᒥ ᒥᒡᒋᓪᒥ ᐊᒻᒪᓗ ᖃᐅᔨᓴᕐᓂᒧᑦ ᐃᑲᔪᕐᑎᐅᓱᓂ ᑖᕙᓂ Sherpa ᖃᐅᔨᓴᕐᕕᖓᓂ ᐱᓕᕆᕕᒻᒥ. ᐱᓇᓱᐊᖃᑦᑕᓯᒪᔪᖅ ᐱᓇᓱᐊᕐᓂᓂ ᐃᓚᖃᕐᒥᔪᖅ ᖃᐅᔨᓴᕐᓂᓂ ᐅᕕᓂᖃᖃᑎᒌᓐᖏᑐᑦ ᐊᑦᔨᐅᖏᑎᑕᐅᒍᑎᓂ ᐊᒻᒪᓗ ᓇᕐᕈᓇᕐᑎᑕᐅᓂᕐᓂ, ᐃᓅᖃᑎᒌᓂ ᐊᒻᒪᓗ ᐱᐅᓯᕐᑎᒍᑦ ᑭᓇᐅᓂᕐᓂᒃ, ᑐᓐᖓᕕᐅᔪᓂᓪᓗ ᐃᓅᖃᑎᒌᒍᓰᑦ ᐊᑯᕐᖓᓂ ᐱᐅᓯᐅᓲᓂᒃ, ᐊᒻᒪᓗ ᐊᑲᐅᓯᐅᒥᒋᐊᕐᑎᓯᓂᕐᒥᒃ ᐃᓱᒪᓕᕆᓂᕐᒥᒃ ᑲᒪᒋᔭᐅᒍᓯᕐᓂᒃ ᐅᕕᒐᕐᑐᓂ ᐅᑭᐅᓕᓐᓂ 11ᓂᑦ 25ᒧᑦ. ᐊᓯᖃᕐᒥᔪᑦ ᐱᔪᑦᓴᐅᔮᕐᕕᖏᑦ ᐃᓱᒪᓕᕆᓂᕐᒥᒃ ᐊᒻᒪᓗ ᑲᑉᐱᐊᓇᕐᑐᑰᕐᓯᒪᓂᕐᓂᒃ ᑎᑭᓯᒪᔪᓂ ᓄᓇᒋᐊᕐᑐᑐᓂ, ᕿᒪᑦᓯᓂᕐᓂᓗ ᓄᓇᒥᓂᒃ ᐊᒻᒪᓗ ᓄᓇᑐᕐᓕᓕᑦᓴᔭᓂᒃ ᐃᓄᖏᓐᓂᒃ. ᐱᓇᓱᓐᓇᓯᐅᕈᓐᓀᕋᒥ, ᑲᕈᓓᓐ ᐱᐅᒋᔭᓕᒻᒪᕆᒃ ᓴᓇᓐᖑᐊᒐᕐᓂᒃ ᖃᓄᐃᑦᑐᑐᐃᓐᓇᓕᒫᓂᒃ ᐊᒻᒪᓗ ᐊᑦᔨᒌᓐᖏᑐᓂᒃ ᑕᐅᑐᒍᓯᕐᓂᒃ ᓯᓚᕐᕈᐊᖅ ᐱᑦᓱᒍ ᑕᒪᒃᑯᑎᒎᓇ ᑌᒪ ᖃᐅᔨᒋᐅᕐᓇᑐᓂᒃ ᐱᖃᑦᑕᑐᖅ. ᑌᒪᓗ ᑖᓐᓇ ᐃᓗᖏᕐᑐᕕᖃᕐᓱᓂ ᓯᓚᐅᑉ ᐱᐅᓯᖓᓂᒃ ᐊᒻᒪᓗ ᐊᓃᕋᔭᕆᐊᒥᒃ ᓱᖃᑦᓯᐅᑎᒋᑦᓱᒋᑦ ᐃᓚᒥᓂᒃ ᐃᓚᖃᕐᓱᓂ.