ᐱᓪᓚᕆᑦᑕᖓ ᐱᓇᓱᐊᕐᑐᑦ ᑲᑐᑦᔨᓱᑎᒃ

ᐁᑉᐹᒍᑦ ᑕᒐ ᖃᐅᔨᓴᕐᓂᒧᑦ ᐊᑕᐅᑦᓯᑰᕐᑎᓯᓂᐅᑉ ᑕᒡᕙᓂ Sherpaᑉ ᖃᐅᔨᓴᕐᓂᒧᑦ ᐱᓕᕆᕕᐊᓂ ᒪᓐᑐᔨᐊᓚᒥ, ᔭᓂᒃ ᐃᓕᓵᒍᒻᒥᓱᓂ ᐱᐅᓯᖃᖃᑎᒌᓐᖏᑐᓂᒃ ᐃᓱᒪᓕᕆᓂᕐᒧᑦ ᑌᑲᓂ ᒥᒡᑭᓪ ᐃᓕᓴᕐᕕᔪᐊᖓᓂ ᐊᒻᒪᓗ ᐱᓕᕆᓕᓂᖃᕐᒥᓱᓂ ᐊᐱᖅᖂᓂᕐᒥᒃ.  ᐃᓕᑦᓯᒪᔫᒍᑎᒥᒃ ᐱᓇᓱᐊᕐᓂᖓ ᑕᒪᒃᑯᓇᓂ ᐱᐅᓯᖃᖃᑎᒌᓐᖏᑐᓂ ᐃᓕᓴᕋᒥᐅᒃ ᑐᓐᖓᕕᓕᒃ ᑌᒪᓐᖓᓂᑐᖃᖅ ᐱᔪᑦᓴᐅᔮᕐᕕᖃᕐᓂᒥᒃ ᐱᑦᔪᑎᓕᓐᓂᒃ ᐱᐅᓯᖃᖃᑎᒌᓐᖏᑐᑦ ᐱᐅᓯᖏᓐᓂᒃ ᐃᓕᒃᑯᑦ, ᐃᓱᒪᓕᕆᓂᕐᓂᒃ, ᐃᓕᑦᓯᒪᓂᕐᒥᒃ ᐊᒻᒪᓗ ᐱᓇᓱᐊᖃᑎᒌᓐᓂᒥᒃ.  ᑖᑦᓱᒪ ᐱᓇᓱᐊᕐᑕᖓ ᖃᐅᔨᒋᐅᕋᑦᓴᓂᒃ ᐹᕐᓯᒋᐊᒥᒃ ᐃᒻᒧᐊᓂ ᓇᒻᒥᓂᖓᑕ ᐃᓅᑉ ᐊᒻᒪᓗ ᐃᓅᖃᑎᒌᑎᒍᑦ ᖃᓄᐃᑦᑑᓂᖏᓐᓂᒃ ᑭᓇᐅᓕᔮᕐᓂᓂᒃ, ᓯᕐᓕᕿᓂᕐᓂᒃ, ᓴᓇᑦᔫᒍᑎᓂᒃ, ᐅᓂᒃᑳᓯᐅᕐᓂᓂᒃ ᐊᒻᒪᓗ ᖃᓄᐃᓕᐅᕈᓯᕐᓂᒃ ᐊᕐᓱᕉᓚᓇᕐᑐᓂ.  ᐊᓯᖏᓪᓗ ᑕᒐ ᐱᔪᑦᓴᐅᔮᕐᕕᒋᒻᒥᔭᖏᑦᑕ ᐃᓚᖃᕐᒥᑎᓪᓗᒋᑦ ᖃᓪᓗᓈᓄᑦ ᑎᑭᑕᐅᓂᕕᓂᐅᑉ ᑭᖑᓂᖓᓂ, ᐊᕐᓇᐅᓂᕐᒥ ᐊᖑᑕᐅᓂᕐᒥᒃ ᐃᓕᓐᓂᐊᓂᕐᓂᒃ, ᐃᓚᐅᕕᖃᖃᑦᑕᓯᒪᓂᕐᒥᓗ ᖃᐅᔨᓴᕐᓂᓄᑦ ᐊᒻᒪᓗ ᐊᑦᓯᒪᐅᕐᑎᑐᓂ ᐃᒻᒥᑯᑦ.  ᓱᓇᓱᐊᓪᓗᐊᕈᓐᓀᕋᒥᓗ, ᔭᓂᒃ ᓱᒐᓗᓗᐊᓐᖑᐊᑐᒥᒃ ᐊᓕᐊᒋᔭᖃᕐᓱᓂ ᓂᕆᖃᑎᖃᕆᐊᒥᒃ ᐃᓚᒥᓂᒃ ᐊᒻᒪᓗ ᐃᓚᓐᓈᓂᒃ, ᒪᕐᕋᓕᐅᕆᐊᒥᓪᓗ, ᑐᓵᑦᑐᐊᕆᐊᒥᓪᓗ ᓂᐱᓂᒃ, ᓄᓇᒧᓪᓗ Gaspesie ᒧᑦ ᐅᐸᒍᑎᓯᒪᒋᐊᒥᒃ ᓯᑦᔭᖓᓄᑦ ᐊᒻᒪᓗ ᑕᑯᔭᕐᑐᕆᐊᒥᒃ ᑕᑯᔭᒐᖃᕐᕕᓄᑦ.  ᐅᖃᐅᓯᓕᒃ ᐅᒥᓕᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ ᓱᓕᐅᒻᒥᔪᕐᓗ ᐱᒋᐊᕐᐸᓕᐊᓕᕐᒥᔪᖅ ᐃᓕᓴᕐᐸᓕᐊᓂᕐᒥᒃ ᐃᓄᒃᑎᑐᑦ ᐅᖃᐅᓯᕐᒥᒃ.

514 273-3800 ext. 6587
Janique.JohnsonLafleur.dlm@ssss.gouv.qc.ca

Project Email: info@atautsikut.com